OKWI NA KIIZA TAYARI WAPO ZAMBIA NA THE CRANES, WATAONDOKEA HUKO KWENDA CAIRO

Na Mahmoud Zubeiry, Dar es Salaam
WASHAMBULIAJI Waganda wa klabu ya Yanga SC, Emmanuel Okwi na Hamisi Kiiza wamewasili jioni hii mjini Ndola, Zambia kujiunga na timu yao ya taifa, Uganda, The Cranes kwa ajili ya mchezo wa kirafiki wa kimataifa Jumatano dhidi ya wenyeji Chipolopolo.
Okwi na Kiiza ambao waliichezea Yanga SC Jumamosi ikiifunga Al Ahly ya Misri bao 1-0 katika mchezo wa kwanza kuwania kutinga Hatua ya 16 Bora Ligi ya Mabingwa Afrika Uwanja wa Taifa, Dar ves Salaam waliondoka leo nchini.

Watu wa kazi; Okwi kulia akiwa na Kiiza, tayari wapo Zambia kuitumikia timu yao ya taifa ya Uganda

AZAM KUMSAJILI MFUNGAJI BORA KOMBE LA MAPINDUZI, KOCHA OMOG ATOA BARAKA ZOTE

Na Mahmoud Zubeiry, Dar es Salaam
MFUNGAJI bora wa michuano ya Kombe la Mapinduzi mwaka huu, Mganda Owen Kasule amefuzu majaribio katika klabu ya Azam FC na sasa atasajiliwa kwa ajili ya msimu ujao.
Kocha Mcameroon Joseph Marius Omog ameridhishwa na uwezo wa kiungo huyo mshambuliaji wa URA ya Uganda baada ya majaribio ya wiki mbili na ameuambia uongozi umsajili.

Kifaa kipya Chamazi; Kiungo mshambuliaji wa kimataifa wa Uganda, Owen Kasule atasajiliwa Azam FC baada ya kufuzu majaribio

Lupita Nyon'go ashinda tuzo ya Oscar

Lupita Nyong'o,ameshinda tuzo ya muigizaji bora msaidizi katika filam aliyoshiriki "12 Years a Slave", akizungumza katika tuzo za 86 za Oscar huko Hollywood, California March 2, 2014. REUTERS/Lucy Nicholson (UNITED STATES TAGS: ENTERTAINMENT) (OSCARS-SHOW) - RTR3FY5W
Mcheza sinema maarufu Lupita Nyong’o ambaye ni raia wa Kenya, Jumapili ameshinda tuzo la kifahari la Oscar huko Hollywood California.

Lupita alipata tuzo hilo kwa kuwa muigizaji msaidizi bora zaidi kwenye filamu iitwayo“12 years A Slave”.
Baada ya kupokea tuzo hilo, Lupita alitoa hotuba yenye hisia kali na kuwashukuru wote waliomwezesha kushinda tuzo hilo la Oscar.

Awali macho ya dunia kwa wapenzi wa filam yalielekezwa huko Hollywood kutizama tuzo za mwaka wa 86 za Oscar zikitunukiwa wasanii mbali mbali wa filam duniani.

Kwa upande wa Afrika mcheza filamu mwingine wa mara ya kwanza Barkhad Abdi ambaye ni raia wa Somalia aliteuliwa kuwania katika nafasi ya waigizaji wasaidizi ambapo alishiriki katika filamu “Captain Phillips” ambapo muigizaji Jared Leto alipata ushindi.

Vyombo vya habari vya Kenya viliripoti kuwa wakenya na waafrika kwa jumla walikuwa wakisubiri kuona ikiwa muigizaji Lupita Nyong’o atapata tuzo hilo. Rais wa Kenya Uhuru Kenyatta pia alikuwa ametuma salamu za kumtakia ushindi Lupita ,katika ujumbe kwenye ukurasa wake wa Facebook.

Young Africans (Tanzania) 1-0 Al Ahly (Egypt)

- Gor Mahia (Kenya) 2-3 Esperance (Tunisia)
- Dynamos (Zimbabwe) 0-0 AS Vita (DRC)

PICHANI NI MASHABIKI WANAODHANIWA KUWA NI WA SIMBA SC AMBAO WALIANZA KURUSHA VITI BAADA YA YANGA KUFUNGA GOLI. JE HUU NI USTAARABU???

PICHA ZA AJALI MBAYA YA GARI ALIYOPATA MCHUNGAJI WA KANISA LA SABATO DODOMA

Mchungaji Michael Zacharia Twakaniki (katikati)akiwa hospitalini huko Dodoma kushoto mwenye tai ni Mhazini wa jimbo la Mashariki mwa Tanzania katika kanisa la Waadventista Wa Sabato Tanzania Athanas Sigoma alipomtembelea juzi.

ADEBAYO AIPAISHA TIMU YAKE

KOCHA Tim Sherwood aliwataka vijana wake wafanye kazi na Emmanuel Adebayor ameiongoza vizuri kazi hiyo usiku wa kuamkia leo baada ya kuifungia Tottenham Hotspur mabao mawili katika ushindi wa 3-1 Uwanja wa White Hart Lane katika mchezo wa Europa League.
Matokeo hayo yanaifanya Spurs iliyofungwa 2-0 katika mchezo wa kwanza,ipate ushindi wa mabao 3-2 dhidi ya Dnipro na kutinga 16 Bora ya Europa League ambako itakutana na Benfica.
Christian Eriksen alianza kufunga dakika ya 56 kabla ya Mtogo Emmanuel Adebayor kumaliza kazi dakikaza 65 na 69 katika mchezo ambao wageni walimpoteza mchezaji wao, Zozulya aliyetolewa nje kwa nyekundu dakika ya 62, akitoka kuifungia timu hiyo bao dakika ya 48.
Katika mechi nyingine, Valencia imetoka 0 – 0 na Dynamo Kyiv, Trabzonsporimefungwa 2-0 na Juventus, Lyon imeifunga 1 – 0 FC Chornomorets, KRC Genk imefungwa 2-0 na Anzhi Makhachkala, Fiorentina imetoka 1 – 1 na Esbjerg fB, AZ imetoka 1 – 1 na Slovan Liberec na Benfica imeifunga 3 – 0 PAOK Salonika.
Nayo Shakhtar Donetsk imefungwa 2-1 na Viktoria Plzen, Napoli imeifunga 3 – 1 na Swansea City, Ludogorets Razgrad imetoka 3 – 3 na Lazio, Eintracht Frankfurt imetoka 3 – 3 na FC Porto, FC Red Bull Salzburg imeilaza 3 – 1 Ajax, Sevilla imeifunga 2 – 1 NK Maribor, Basel imeichapa 3 - 0 Maccabi Tel Aviv na Rubin Kazan imefungwa 2-0 na Real Betis.

Mkali kweli: Emmanuel Adebayor ameifungia mabao mawili muhimu Spurs na kuivusha Hatua ya 16 Bora ambako itakutana na washindi wa pili wa mwaka jana, Benfica

OFFICIAL: KIM POULSEN ATEMESHWA KIBARUA TAIFA STARS - SALUM MADADI NA HAFIDH BADRU KUONGOZA JAHAZI

Shirikisho la Mpira wa Miguu Tanzania (TFF) na Kocha wa Taifa Stars, Kim Poulsen wamekubaliana kuvunja mkataba katika makubaliano ambayo ni siri kwa pande zote mbili.

Uamuzi huo umetangazwa leo (Februari 27 mwaka huu) jijini Dar es Salaam kwa pamoja na Rais wa TFF, Jamal Malinzi na Kocha Poulsen mbele ya waandishi wa habari.

NIONAVYO MIMI: AZAM FC HAIWAPENDI WATANZANIA.

Na Oscar Oscar Jr.   0789-784858
Siwezi kushangaa siku moja nikiamka asubuhi na kusikia taarifa kwenye vyombo vya habari kuwa, wamiliki wa timu ya Azam wameamua kununua Ndege yao kwa lengo la kurahisisha Usafiri wa kwenda mikoani kucheza michezo yao ya ligi kuu na ile ya barani Afrika ambayo timu hiyo imekuwa ikishiriki kwa msimu wa pili sasa mfululizo. Kila nchi duniani ina tamaduni zake na moja ya tamaduni za kitanzania ni kushirikiana kwenye matukio muhimu ya kijamii.

RONALDO, BALE NA BENZEMA KILA MMOJA AFUNGA MBILI REAL IKIWAFUMUA WAJERUMANI 6-1 KWAO

WINGA Gareth Bale ameendelea kung'ara Real Madrid akiiwezesha timu hiyo kutanguliza mguu mmoja Robo Fainali Ligi ya Mabingwa Ulaya kufuatia ushindi wa mabao 6-1 dhidi ya wenyeji Schalke usiku huu.
Mchezaji huyo ghali duniani aliyenunuliwa kwa Euro Milioni 86, alifunga mabao mawili na kutoa pasi mbili za mabao katika ushindi huo mnono.
Kocha Carlo Ancelotti amevutiwa na kiwango cha Bale na akamwagia sifa baada ya mechi hiyo ambayo mabao mengine Real yalifungwa na Karim Benzema na Cristiano Ronaldo kila mmoja mawili pia huku bao la kufutia machozi la wenyeji likifungwa na Klaas-Jan Huntelaar.

Sisi noma; Ronaldo kulia na Bale kushoto wakishangilia moja ya mabao yao usiku huu Real ikishinda 6-1 dhidi ya Schalke

DROGBA ALIVYOWAFANYA CHELSEA JANA...WE ACHA TU!

Mshambuliaji wa Galatasaray, Didier Drogba kushoto akipambana na Nahodha wa Chelsea, John Terry katika mchezo wa kwanza 16 Bora Ligi ya Mabingwa Ulaya usiku huu, timu hizo zikitoka sare ya 1-1. Drogba alicheza pamoja na Terry Chelsea kwa muda mrefu
Terry akiteleza kuondosha mpira miguuni mwa Drogba

CHELSEA 1-1 NA GALATASARAY ULAYA

CHELSEA imepata sare ya ugenini ya kufungana bao 1-1 na wenyeji Galatasaray katika mchezo wa kwanza wa 16 Bora Ligi ya Mabingwa Bora Ulaya usiku huu.
Fernando Torres alitangulia kuifungia The Blues dakika ya tisa na kuifanya Chesea kuwa timu ya kwanza ya England kufunga bao katika 16 ya Ligi ya Mabingwa msimu huu, baada ya wiki iliyopita Arsenal kufungwa 2-0 na Bayern Munich na Manchester City kufungwa 2-0 na Barcelona, wakati jana Manchester United iIifungwa 2-0 pia ugenini na Olympiacos.
Hata hivyo, wenyeji Galatasaray walisawazisha bao hilo dakika ya 64 kupitia kwa Chedjou.

Hatufungwi sisi; Fernando Torres akishangilia na wenzake baada ya kuifungia bao Chelsea usiku huu