Kocha wa Timu ya Taifa ya Uingereza Hodgson asema tiketi ya kufuzu Kombe la Dunia 2014 ipo mikononi mwao

Kocha Mkuu wa Timu ya Taifa ya Uingereza Roy Hodgson

Kocha Mkuu wa Timu ya Taifa ya Uingereza Roy Hodgson ametamka wazi anauhakika kikosi chake kitafanikiwa kukata tiketi ya kufuzu kwa Kombe la Dunia mwaka 2014 nchini Brazil.

Hodgson amesisitiza Uingereza ina nafasi ya kufuzu kwa ajili ya Kombe la Dunia mwaka 2014 iwapo itashinda michezo yake miwili ya kusaka tiketi ya kufuzu kwa fainali hizo zitakazofanyika nchini Brazil.

Kocha huyo wa Timu ya Taifa ya Uingereza amesema kwa sasa amekuwa akiangalia kwa karibu mno michezo yao miwili ya kufuzu Kombe la Dunia itayopigwa baada ya juma moja ili kusaka tiketi hiyo muhimu.

Timu ya Taifa ya Uingereza inatarajiwa kucheza michezo miwili katika ya Montenegro na Poland iliyopangwa kufanyika tarehe 11 na 15 na iwapo itashinda michezo hiyo miwili itakuwa imejipatia tiketi hiyo muhimu.

Nahodha wa Manchester United Nemanja Vidic ataka wachezaji kurejea kwenye kiwango chao ili kupata matokeo mazuri

Nahodha wa Mabingwa Watetezi Nchini Uingereza Klabu ya Manchester United Nemanja Vidic
Nahodha wa Klabu wa Manchester United Nemanja Vidic ametoa wito kwa wachezaji wenzake kuhakikisha wanarejea kwenye hali yao ya kawaida ili waweze kufanya vizuri kwenye mchezo Ligi Kuu dhidi ya Sunderland na kusahau matokeo mabaya waliyopitia. Vidic amesema hatua ya wachezaji kurudi kwenye hali yao ya kawaida itasaidia kupunguza shinikizo linalomkabili Kocha Mkuu David Moyes aliyeshuhudia vichapo viwili mfululizo kwenye Ligi Kuu nchini Uingereza.
Manchester United inashika nafasi ya kumi na mbili kwenye msimamo wa Ligi Kuu nchini Uingereza baada ya kufungwa na Manchester City kabla ya kupata kichapo cha nyumbani mbele ya West Bromwich Albion.

WEMA DIAMOND WARUDIANA.

Stori: Waandishi Wetu
WACHUMBA wa zamani, Wema Sepetu na Nasibu Abdul ‘Diamond’ ndiyo habari ya mjini kwa sasa, kwamba wawili hao wamerudiana tena kwa kasi kupita ile ya mwanzo,

Nasibu Abdul ‘Diamond’.

Habari zinasema wawili hao walikutana Dubai hivi karibuni  kabla Diamond hajaenda Malaysia na Wema akiwa njiani kuelekea Hong Kong, China ambapo walikula bata kwa sana.
Ikazidi kuelezwa kuwa wameamua kuwa kwenye uhusiano wa siri na lengo la kufanya hivyo ni kuhakikisha mpenzi wa sasa wa msanii huyo wa Bongo Fleva, Penniel Mungilwa ‘Penny’ hajui kitu chochote.

DIAMOND ​AKABIDHI IPAD KWA MSHINDI WA NGOLOLO

Msanii mahiri wa muziki wa kizazi kipya Nasibu Abdul "Diamond Platinumz"akimkabidhi Ipad yenye thamani ya shilingi Milioni Tsh 1.2 mshindi wa dansi ya Ngololo Bw.Faudhu Kiobya kupitia ukurasa wa kijamii wa instragram wa Vodacom Tanzania,mara baada ya kumalizika droo ya tatu ya shindano la miito ya simu.Washindi 35 kila mmoja amejishindia Sh 50,000.Anaeshuhudia katikati ni Meneja wa huduma za ziada wa Vodacom Bw.Mathew Kampambe, Chanzo Matina Nkurlu

UJENZI WASIMAMA UWANJA WA KOMBE LA DUNIA

Kazi ya ujenzi katika Uwanja utakaochezewa mechi za kombe la dunia la soka mwaka 2014 nchini Brazil zimesimamishwa baada ya jaji wa mahakama kusema kuna wasiwasi kuhusu usalama.

Uwanja huo wa Arena da Baixada katika jiji la Curitiba ulipangiwa kuchezwa mechi nne za kombe la dunia. Ukarabati wa uwanja huo ulikwishacheleweshwa kwa kipindi kadhaa.

Blatter aendelea kupata upinzani juu ya mpango wake wa kusogeza mashindano ya Kombe la Dunia majira ya joto nchini Qatar

Rais wa Shirikisho la Mpira wa Miguu Duniani FIFA Sepp Blatter ameendelea kukumbana na upinzani mkali juu ya pendekezo lake la kutaka kuhamisha mashindano ya Kombe la Dunia ya mwaka 2022 yaliyopangwa kufanyika nchini Qatar wakati wa majira ya baridi. Blatter amependekeza mashindano ya Kombe la Dunia yaliyopangwa kufanyika nchini Qatar kusogeza kutoka majira ya joto hadi yale ya baridi kutokana na wakati huwa joto kuwa kali mno na huenda likawathiri wachezaji.www.tabasamuleo.blogspot.com

Timu ya Taifa ya Misri yaendelea kushusha kichapo kwa Uganda kwenye michezo yake miwili ya kirafiki

Beki wa Timu ya taifa ya Uganda akikabiliana na mshambuliaji wa Misri kwenye mchezo wa kirafiki
Timu ya Taifa ya Uganda imeendelea kuwa vibonde vya kudumu mbele ya Misri baada ya kukabali kichapo cha pili kwenye michezo miwili ya kirafiki iliyofanyika katika kipindi cha siku tatu.
Pharaohs waliendeleza ubabe mbele ya Cranes baada ya kuwachakaza kwa jumla ya magoli 3-0 katika mchezo wa pili wa kirafiki wa kujiandaa na hatua ya mtoano dhidi ya Ghana kusaka tiketi ya kufuzu kwa Kombe la Dunia.

Rafael Nadal akaribia kushika nafasi ya kwanza kwa Ubora wa Tennis Duniani upande wa Wanaume

Mchezaji Tennis nambari mbili kwa ubora Duniani Rafael Nadal


Mchezaji wa Tennis ambaye ni raia wa Hispania Rafael Nadal huenda akareja kwenye nafasi yakwanza katika orodha ya Wachezaji Bora Wanaume wa mcheo huo baada ya kufanikiwa kutinga hatua ya Robo Fainali ya mashindano ya China Open.
Nadal anayeorodheshwa katika nafasi ya pili kwa ubora wa Tennis upande wa wanaume ametinga kwenye Robo Fainali ya China Open kufuatia kumchakaza bila huruma Philipp Kohlschreiber baada ya kumfunga kwa seti mbili kwa bila.

HISTORIA NA WASIFU WA MISS READS TANZANIA 2013 Hapines Watimanywa

ALIPOFANYA MAHOJIANO NA GAZETI LA MWANASPORTI




Hapines Watimanywa


WAKATI mshindi wa jumla wa tuzo ya Mchezaji Bora wa Mwaka 2011 wa Chama cha Waandishi wa Habari za Michezo Tanzania (Taswa) Shomari Kapombe akizaliwa mwaka 1994, katika kijiji cha Kishozi, Kagera alizaliwa mtoto wa kike ambaye hakudhaniwa iwapo siku moja angefika mbali kimtazamo, kiakili, kifikra na katika masuala ya ulimbwende.

DAKTARI WA SIMBA ATHIBITISHA KUPONA KWA HENRY NA CHOLO

Henry Joseph

DAKTARI wa Simba, Yassin Gembe amemkabidhi Kocha wa Simba, Abdallah Kibadeni wachezaji wawili kiungo, Henry Joseph na nahodha Nassor Said ‘Cholo’.
Henry mchezaji tegemeo wa kikosi hicho alishindwa kucheza mechi mbili zilizopita kutokana na kusumbuliwa na majeruhi ya mguu pamoja na mkongwe mwenzake, Nassor Said ‘Cholo’ naye amepona ingawa hali ya Issa Rashid ‘Baba Ubaya’ ndiyo bado haijatengemaa.

MPAMBANO WA MASUMBWI KUFANYIKA PANANDI PANANDI ILALA OKTOBA 26

MPAMBANO mwingine wa masumbwi kufanyika katika ukumbi wa panandi panandi Oktoba 26 mpambano huo wa mchezo wa masumbwi utakaokuwa chini ya uratibu wa Kinyogoli Fondition utawakutanisha mabondia mbalimbali wenye majina na wanaotamba kwa sasa katika anga za masumbwi nchini.
Akizungumzia mchezo huo kocha wa Kimataifa wa mchezo wa masumbwi nchini kutoka kambi ya ilala Rajabu Mhamila 'Super D' amesema kuwa mpambano huo utawakutanisha bondia Yakubu Maganga atakae zichapa na Ubwa Salumu katika uzito wa kilo 75 huku Seif Ali akipambana na Hassani Labanda